वीरगंज । खेतीको समयमा मल खाद्य उपलब्ध हुन नसकेका कारण पर्साको बहुदरमाई नगरपालिकाका किसानहरु चिन्तीत भएका छन।
धान बालीको लागि बिउ रोप्ने योग्य भएपनि खेती गर्ने बेलामा मलखाद नपाएका कारण पर्साका किसानहरु धेरै समस्यामा छन। नेपाल सरकारले खेतीपातीको समयमा किसानहरुलाई मालखादहरु आपुर्ती गर्न सधै असक्षम हुदै आएको किसानहरुको गुनासो रहेको छ।
पर्सामा जथाभाबी मलखाद उपलब्ध भएपनि महगों मुल्यमा बिक्री बितरण हुने भएकोले किसानहरु धेरै मर्कामा छन। पर्साका किसानहरुलाई पेट्रोलियम पदार्थको महगों मुल्य र खेतीको समयमा मलखादको अभावले कृषकहरु धेरै सास्ती खेप्नु परेको छ।
खेतीमा आम्दानी भन्दा बढी खर्च हुने भएकोले खेती गर्न धेरै कठिनाइ भईरहेको बहुदरमाई नगरगरपालिकाका किसान शुभनारायण साहको भनाई रहेको छ। खेतीपातीको बेला समय-समयमा मलखाद्ध नेपाल सरकारले उपलब्ध नगराएमा भोकै मर्न बाध्य हुने किसानहरुको भनाई रहेको छ।