वीरगञ्ज । यौन गतिविधिमा संलग्न भएको आशंमा प्रहरीले वीरगञ्जबाट प्रहरीले १८ जनालाई पक्राउ गरेको छ ।
वीरगञ्जको बसपार्कस्थित होटल मायालु, होटल समर र होटल रोयलबाट ३ महिला र ४ जना पुरुष गरी ७ जनालाई वडा प्रहरी कार्यालय बिर्ताले पक्राउ गरेको छ । त्यस्तै वीरगञ्जको ४० फिटा सडकस्थित विभिन्न टहरा एवम् खाजा घरहरुबाट वडा प्रहरी कार्यालय श्रीपुरले ११ जनालाई पक्राउ गरेको जिल्ला प्रहरी कार्यालय पर्साका प्रहरी नायब उपरीक्षक (डिएसपी) प्रह्लाद कार्कीले जानकारी दिए ।
डिएसपी कार्कीका अनुुसार यौन गतिविधिका कारण आजित भएको स्थानीयको गुनासो आएपछि गस्ति गरिएको हो । वडा प्रहरी कार्यालय बिर्ता र वडा प्रहरी कार्यालय श्रीपुरको गस्ति टोलीले आशंकको आधारमा पक्राउ गरेकाहरुलाई सम्झाई बुझाई गरेर छाडिने डिएसपी कार्कीले बताए ।
