काठमाडौं । बालुवाटारस्थित सुनौलो परिवार नेपाल मेरी स्टोप सर्भिसेजको केन्द्रीय कार्यालयको स्टोर भवनमा भएको आगलागी नियन्त्रणमा आएको छ । आज बिहान सात बजे लागेको आगलागी साढे ९ बजे नियन्त्रणमा आएको हो ।

प्रहरीका अनुसार आगलागी नियन्त्रणका लागि काठमाडौं महानगरपालिका, ललितपुर महानगरपालिका, कीर्तिपुर नगरपालिका, नेपाली सेना र नेपाल प्रहरीका १० दमकल प्रयोग भएका थिए ।

आगलागीमा कुनै पनि मानवीय क्षति नभए पनि पाँच करोड रुपैयाँ बराबरको भौतिक क्षति भएको प्रारम्भिक अनुसन्धानमा खुलेको प्रहरीले जनाएको छ ।