वीरगंज । विद्यार्थीसँग मनोमानी शुल्क असुलेको भन्दै महानगरका अभिभावकहरुले विरोध जनाएका छन् । पर्साको विरगन्ज महानगरपालिकामा रहेका निजी विद्यालयले विभिन्न शीर्षकमा विद्यार्थीसँग मनोमानी शुल्क असुलेको भन्दै वीरगन्जका अभिभावकहरुले विरोध जनाएका छन् ।

वर्षै पिच्छे किताब ताथ पव्लिकेशन परिवर्तन गरेर अभिभावकलाई आर्थीक भार थोपर्नु परेको जानकारी दिएका छन् । कक्षा फरकै पव्लिकेशन परिवर्तन गरेको किताब किन्न पर्ने तथा किताब लिनका लागी तोकिएको पसलबाट मात्रै लिनु पर्ने बाध्यात्मक अवस्थाको अन्त्य गर्न अभिभावकहरुले माग राखेका छन् । अहिले निजी विद्यालयले विभिन्न शीर्षकमा उठाउँदै आएको फी ५० प्रतिशतले बृद्धि गरेको पनि अभिभावकको आरोप छ ।

काठमाण्डौ महानगरले महानगर क्षेत्रमा संचालित निजी विद्यालयको शुल्क निर्धारण गर्ने नीति लिनु सह्रानीय भएको भन्दै निजी विद्यालयको मनोमानी अन्त्य गर्न शुल्क निर्धारणको जिम्मेवारी वीरगञ्ज महानगरले लिदिनु पर्ने माग अभिभावकहरुले अघि सारेका छन् । महानगरले नै जिम्मेवारी लिए निजी विद्यालयको मनोमानी अन्त्य हुने अभिभावकहरुको विश्वास गरेका छन् । अभिभावकहरुले वीरगञ्जमा संघर्ष समिति नै बनाएर निजी विद्यालयको मनोमानीका विरोधमा संघर्ष थाल्ने तयारी गरेका छन् ।