बीरगन्ज । पर्साका पत्रकारहरुको निशुल्क स्वास्थ्य तथा दुर्घटना बीमा हुने भएको छ । पत्रकारहरुको सुरक्षा लगायतको कुरा दृश्टिगत गरी महानगरले आगामी आर्थिक वर्ष २०७९/०८० को नीतिमा नै यसलाई समावेश गरेको छ ।

महानगरको नीति सार्वजनिक गर्दै महानगरप्रमुख राजेशमान सिंहले पत्रकारलाई भईपरी आउने स्वास्थ्य तथा दुर्घटनाको उपचार सहज बनाउन निशुल्क स्वास्थ्य तथा दुर्घटना बीमाको व्यवस्था गरेको उल्लेख गरे । महानगरप्रमुख सिंहले सार्वजनिक गर्नु भएको आगामी आर्थीक वर्षको नीतिमा संचारकर्मीलाई सक्षम र व्यवसायीक बनाउन क्षमता अभिवृद्धिका कार्यक्रम संचालन गर्ने उल्लेख छ ।

यसका साथै अध्ययन अनुसन्धान गर्न चाहने पत्रकारलाई अध्ययन भ्रमण र फेलोसिपको व्यवस्था गर्नुका साथै कार्यक्षेत्रमा उत्कृष्ट काम गर्ने पत्रकारलाई पुरस्कृत तथा सम्मानित गर्ने योजना पनि महानगरले अघि सारेको छ । लोक कल्याणकारी बिज्ञापनलाई समापातिक ढङ्गले पत्रकारहरुलाई प्रदा नगरिने तथा फेलोसिप कार्यक्रमलाई पनि महानगरले आफ्नो निति तथा कार्यक्रममा समावेश गरेको छ ।