वीरगंज । साताको पहिलो कारोबार दिन आइतबार नेपाल स्टक एक्सचेञ्ज (नेप्से) परिसूचकमा उच्च अंकले गिरावट आएको छ। आइतबार नेप्से सूचक ३७.२७ अंकले घटेर १९३४.११ बिन्दुमा झरेको छ। त्यस्तै, सेन्सेटिभ इण्डेक्स ७.२९ अंक घटेको छ भने फ्लोट इण्डेक्स २.५८ अंक र सेन्सेटिभ फ्लोट इण्डेक्स २.५२ अंकले घटेको छ। आइतबार कारोबारमाआएका २२३ कम्पनीको ३६ लाख ६६ हजार ८९१ कित्ता शेयर १ अर्ब १३ करोड ९ लाख रुपैयाँ बराबरमा कारोबार भएको छ।

नेप्सेका १३ वटै उपसमूह राताम्मे भएको छ। जसमा सबैभन्दा धेरै हाइड्रोपावर उपसमूहको सूचक ३.८५ प्रतिशतले घटेको छ। यस्तै, फाइनान्स उपसमूहको सूचक ३.५९ प्रतिशत र म्युचुअल फण्ड उपसमूहको सूचक पनि ३.१० प्रतिशतले घटेको छ। उत्पादन तथा प्रशोधन उपसमूहको सूचक भने सबैभन्दा कम ०.६८ प्रतिशतले घटेको छ।

आइतबार कारोबारमाआँधीखोला लघुवित्तको सेयर सकारात्मक सर्किट लेभलमा कारोबार भएको छ। त्यस्तै, प्रभु लाइफ इन्स्योरेन्स र सिवाइसी नेपालको सेयर मूल्य पनि ४ प्रतिशतले बढेको छ। यता, रिभर फल्स पावर कम्पनीको सेयर मूल्य भने नकारात्मक सर्किट लभेलमा कारोबार भएको छ। कारोबार रकमको आधारमा नेपाल टेलिकम १० करोड २८ लाख रुपैयाँ बराबरको सेयर कारोबार गरेर शीर्ष स्थानमा रहेको छ। एनसीसी बैंक र नविल बैंकको ४ करोड रुपैयाँभन्दा धेरैको कारोबार भएको छ।