वीरगंज । भारतको पटनामा आइतबार एक विमानको आपतकालीन अवतरण गरिएको छ। पटनाबाट दिल्ली जाँदै गरेको विमान आपतकालीन अवतरण गरिएकाे हाे। विमानमा १८५ जना यात्रु थिए।

अधिकारीहरुका अनुसार विमान स्पाइस जेटको थियो। उडान भर्ने बेलामा इन्जिनमा आगलागी भएको बताइएको छ। त्यसपछि विमान आपतकालीन अवतरण गरिएको हो।

विमानमा सवार सबै यात्रु सकुशल रहेका छन्। विमानको बायाँ पंखामा आगलागी भएको अधिकारीहरूले बताएका छन्।