वीरगंज । त्रिवि शिक्षण अस्पतालले स्वास्थ्य बिमा कार्यक्रमबापत दिइने सेवा स्थगित गरेको छ । अस्पतालले आज सूचना जारी गर्दै सरकारबाट बिमा सेवा दिएबापत भुक्तानी नपाएपछि कार्यक्रम स्थगित गरिएको जानकारी दिएको हो ।

गत मङ्सिरदेखि सञ्चालित स्वास्थ्य बिमा कार्यक्रमअन्तरर्गत विमितको सेवाबापत स्वास्थ्य बिमा बोर्डले भुक्तानी गर्नुपर्ने रकम हालसम्म पनि भुक्तानी नगरेकाले कार्यक्रम नै स्थगित गर्न परेको अस्पतालले जनाएको छ ।

अस्पतालका कार्यकारी निर्देशक प्राडा दिनेश काफ्लेकाअनुसार १५ असारदेखि अर्को सूचना प्रकाशित नभएसम्म लागि अस्पतालबाट सञ्चालित स्वास्थ्य बिमा कार्यक्रम स्थगित गरिएको हो ।टिचिङ अस्पतालले स्वास्थ्य बिमाबाट आएका बिरामीको उपचार गरेबापतको करिब १६ करोड रुपैयाँ भुक्तानी पाउन बाँकी रहेको अस्पताल स्रोतले जनाएको छ ।