वीरगंज । बलिउड बक्स अफिसमा बलिउडका दुई ‘ए–ग्रेड’का अभिनेता अक्षय कुमार र आमिर खान भिड्ने भएका छन् ।अक्षय यतिबेला आफ्नो नयाँ चलचित्र ‘रक्षाबन्धन’को प्रमोसनमा व्यस्त छन् ।

उनको यो चलचित्र आगामी अगस्ट ११ मा रक्षा बन्धनको दिन रिलिज हुँदै छ । निर्माण टिमले चलचित्रको रिलिज मितिसँगै प्रोमो भिडियो पनि सार्वजनिक गरिसकेको छ ।

त्यही मितिमै आमिर खानको ‘लाल सिंह चड्डा’ रिलिज हुँदै छ । अर्थात् बलिउड बक्स अफिसमा अक्षय भर्सेस आमिर हुने छ । बाजी कसले मार्छ समयले देखाउने छ ।