वीरगंज । विभिन्न वस्तुमा भएको मूल्यवृद्धिको विरोधमा नेपाल कम्युनिस्ट पार्टी (बहुमत)ले काठमाडौंमा विरोध प्रदर्शन गरेको छ । पेट्रोलियम पदार्थलगायत उपभोग्य वस्तुमा भएको चर्को मूल्यवृद्धिको विरुद्धमा नेकपा बहुमतले मंगलबार काठमाडौंको माइतीघरमा विरोध प्रदर्शन गरेको हो ।

प्रदर्शनमा सहभागीहरूले बढ्दो महँगी नियन्त्रण गर, पेट्रोलियम पदार्थमा गरिएको मूल्य वृद्धि फिर्ता गर, एमसीसी मुर्दावाद, वैज्ञानिक समाजवाद जिन्दावाद लेखिएका प्लेकार्ड प्रदर्शन गरेका थिए ।

उनीहरूले जनतालाई समस्या पर्ने गरी मूल्यवृद्धि गर्दा पनि राज्यमा बस्नेहरू मौन रहेको आरोप लगाएका थिए ।