वीरगञ्ज । इन्टरनेट प्रदायक कम्पनी सुबिसुले मासिक शुल्क लिएर चुस्त सेवा नदिएको पर्साको ठोरी गाउँपालिकाक ग्राहकले गुनासो गरेका छन् । नियमित रुपमा मासिक शूल्क लिने र इन्टरनेट सेवा दैनिक अवरोध गरेर कम्पनीले चरम लापरबाही गरेको ठोरीका सेवाग्राहीको गुनासो छ ।

पछिल्लो २ महिनादेखि प्रत्येक दिन सर्बरमा समस्या छ भन्दै सेवा अवरुद्ध गर्ने गरेको एक सेवाग्राहीले बताए । उनले भने “हामीले सोध्दा सुबिसुले दैनिक रुपमा अवरोध भएको जानकारी दिन्छ तर सुबिसुले ग्राहकबाट मासिक शुल्क उठाएपछि आफ्नो डाटाको कम प्रयोग होस भन्ने उद्देश्यले जानाजान अवरोध गरेको हुन सक्छ ।”

सेवा अवरोध भएपछि ग्राहकले सम्पर्क गर्दा फोन नउठाउने, झर्केर बोल्ने साथै फिल्डमा कुनै समस्या प¥यो भने एक महिना सम्म पनि कम्पनीका प्रतिनिधि देखा नपर्ने बिजयबस्तीका एक सेवाग्राहीको दुखेसो छ । मासिक शुल्क लिएर नियमित सेवा नदिनु भनेको ठगी धन्दा भएको बताउँदै स्थानीयले सामाजिक संजालमार्फत विरोध जनाएका छन् । यता सुविसुको कार्यालयमा सम्पर्क गर्दा समस्या भएको स्विकार गर्दै समस्याको कारण नबतारै फोन काटेका छन् ।