वीरगंज । सर्लाही जिल्ला लगाएत देशका अन्य भागमा पछिल्लो समय बत्ती आउने–जानेक्रम बढेको छ । समय समयमा बत्ती आउने–जाने समस्याले उपभोक्ता हैरान भएका छन् । बागमती बस्ने दिपेश घिमिरे भन्छन्, ‘बत्ती आउने–जाने समस्याले होटल ब्यवसायको काम गर्नै समस्या भयो,’ उनी भन्छन्, ‘म होटलको सम्पुर्ण खानेकुरा बनाउन बिद्दुतिय चुलो प्रयोग गर्छु, पकाउदा पकाउदै झ्याप्प बत्ती गइदिन्छ, बत्ती आउनेसम्म कुर्नपर्छ । ‘बत्ती आए पनि हिटरलगायतका १२ देखि १५ सय वाटका विद्युतीय सामग्री प्रयोग गर्नेबित्तिकै घरको पुरै बत्ती गइदिन्छ, प्राधिकरणले हैरान बनायो,’ घिमिरेरले । नेपाल विद्युत् प्राधिकरणको जडित क्षमता २ हजार ६१ मेगावाट पुगेको छ । त्यसमध्ये अहिले हिउँदको समयमा खोलामा पानीको बहाव कम भएकाले १ हजार ४ सय ५० मेगावाटको हाराहारीमा विद्युत् उत्पादन भइरहेको छ ।

प्राधिकरणका अनुसार अहिलेको पिक डिमान्ड १६ सय देखि १७ मेगावाटको हाराहारीमा रहेको छ । अपुग विद्युत् भारतबाट आयात भइरहेको छ । विद्युत् माग बढेकाले प्रणालीले विद्युत् भार थेग्न नसकेर बत्ती अनियमित हुने गरेको प्राधिकरणका प्रवक्ता सुरेशबहादुर भट्टराईको भनाइ छ । अहिले काठमाडांै उपत्यकाको माग ४ सय ६० देखि ४ सय ९० मेगावाटको हाराहारीमा रहेको छ । अहिलेको संरचनाले ५ सय मेगावाट धानिरहेको छ । अर्कोतर्फ जमिनमुनिबाट बिजुलीको तार बिछ्याउने कार्यले समेत विद्युत् अनियमित हुने गरेको छ । विद्युत् प्राधिकरणले भने कन्डक्टर तथा प्रसारण लाइनको स्तरोन्नति गर्ने क्रममा फिडर बन्द राख्नुपर्ने, विकास निर्माणको काम गर्दा तार सार्नुपर्ने, अप्रत्यासित रूपमा विद्युत् माग बढेकोले वितरण ट्रान्सफर्मरको क्षमताले धान्दा नसक्दा समस्या देखिएको भन्दै झारा टार्दै आएको छ ।

बारम्बार बत्ती आउने–जाने समस्या बढेसँगै लोडसेडिङको समस्या समाधान गर्न ठूलो भूमिका खेलेका प्राधिकरणका प्रमुख कार्यकारी निर्देशक कुलमान घिसिङ फेरि अर्कोपटक पद बहाली भएर आएपश्चात् समेत यो समस्या ज्युँका त्युँ छ । अहिले प्राधिकरणकै लापर्बाहीका कारण देशभरका उपभोक्ताले सास्ती खेप्नुपरेको छ । चिसो बढ्नु र ग्याँसको मूल्य पनि बारम्बार बढ्नाले अहिले मानिसले राइस कुकर, इन्डक्सन, हिटर, पानी तताउने रड ,जगजस्ता विद्युतीय उपकरणको खपत बढी गर्नाले पनि ट्रान्सफर्मरले लोड धान्न नसकी बारम्बार विद्युत् जाने अनि पड्किने समस्या भइराखेको प्राधिकरण बताउँछ । यद्यपि, झ्याप–झ्याप्प बत्ती जाने समस्या छिटै समाधान हुने दाबी गरेको प्राधिकरणले यो समस्या छिटै समाधान हुने दाबी गरेको प्राधिकरणले यो समस्या अहिलेसम्म पनि समाधान गर्न सकेको छैन ।