वीरगंज । पर्साकाे बिन्दवासिनी गाउँपालिका वडा नं. ५ मा रहेकाे श्री ने.रा.प्रा.वि. बटसाैरामा मेन्यु अनुसार विद्यालयले दिवा खाजा नखुवाएकाे पाइएकाे छ । विद्यालयका प्रधानाध्यापक ललन द्विवेदीले विद्यालयमा अध्ययनरत बालबालिकाकाहरुलाई गाउँपालिकाकाे मन्यु विपरित खाजा खुवाइरहेकाे स्थानियहरुले वताएका छन् ।

गाउँपालिकाकाे मेन्यु अनुसार साेमबार कुखराकाे मासु र मंगलबार सेवई खुवाउनु पर्ने भएपनि प्रधानाध्यापक द्विवेदीले त्यस अनुसार नखुवाएकाे स्थानिय अभिभावकले गुनासाे गरेका छन् । मंगलबार विद्यालय पुगेका एक अभिभावले बालबालिकाहरुलाई कागमा भुजा र पकवरी खाइरहेकाे देखेपछि प्रधानाध्यापक द्विवेदीसंग प्रशन समेत गरेका थिए ।

ति अभिभावकले कालिका टाईम्सलाई पठाएकाे भिडियाेमा प्रधानाध्यापकसंग आज दिवा खाजामा के खुवाउन तालिका रहेकाे छ प्रशन गर्दा प्रधानाध्यापकले आफुलाई थाहा नभएकाे गैर जिम्मेवार जवाफ दिएकाे देखिन्छ । गाउँपालिकाले धेरै दिन पहिला नै दिवा खाजाकाे तालिका (मेन्यु) सार्वजनिक गरेकाे भएपनि आफुलाई थाहा नभएकाे प्रधानाध्यापक द्विवेदीले भन्नुले उनकाे लापरवाही देखिन्छ ।

गाउँपालिकाका प्रमुख प्रशासकिय अधिकृत राजु साहले तालिका अनुसार दिवा खाजा नखुवाउने प्रधानाध्यापकलाई कारवाही हुने वताए । उनले “दिवा खाजाकाे सवालमा कुनै किसिमकाे लापरवाही सहन्य नहुने वताउँदै भाेली नै ति विद्यालयका प्रधानाध्यापकसंग स्पष्टिकरण साेधिने वताए ।”

:-कालिका टाईम्स बाट…