बिरगंज । ह्याप्पी क्लब झापाको मेचीनगरमा जारी प्रथम केएफटिसी सिटी लिग यु–१४ फुटबल प्रतियोगिताको फाइनलमा प्रवेश गरेको छ । लिगको शीर्ष स्थानमा रहदै ह्याप्पी उपाधि नजिक पुगेको हो ।
काँकरभिट्टा माविको खेल मैदानमा आजको भएको खेलमा लिगको शिर्ष स्थानमा ह्याप्पी क्लबले दोस्रो स्थानमा रहेको क्लासिक वारियर्सलाई ४–० गोल अन्तरले पराजित गर्दै फाइनलमा प्रवेश गरेको हो । ह्याप्पीको तर्फबाट आदित्य ढुङ्गेलले व्यक्तिगत दुई गोल गर्दा राज दर्जी र विनय सार्कीले समान एकरएक गोल गरे ।खेलमा उत्कृष्ट प्रदर्शनी गर्न सफल ह्याप्पीका आदित्य ढुङ्गेल म्यान अफ द म्याच घोषित । त्यस्तै इमर्जीगं प्लेयरका रुपमा क्लासिक वारियर्सका आयुस राई घोषित भए । उनीहरूले नगदसहित गिफ्ट हेम्पर प्राप्त गरे ।
त्यस्तै हिजो नै भएको पहिलो खेलमा राइजिङ ब्वाइज एफसी विजयी भएको छ । लिगको पुछारमा रहेको राइजिङले तेस्रो स्थानमा रहेको संगम फुटबल क्लबलाई १(० गोल अन्तरले पराजित गरेको हो । राइजिङको तर्फबाट वासुदेव तिम्सिनाले एक गोल गरे ।
राइजिङबाट उत्कृष्ट खेलेका वासुदेव तिम्सिना म्यान अफ द म्याच घोषित भए । त्यस्तै इमर्जीङ प्लेयरका रुपमा संगमका आयश्र भट्टराई घोषित भए । उनीहरूले नगदसहित गिफ्ट हेम्पर प्राप्त गरे ।
काँकरभिट्टा फुटबल ट्रेनिङ सेन्टरको आयोजनामा सञ्चालित लिगमा ह्याप्पी क्लब फाईनल प्रवेश गरिसकेको छ । अब विहिबार फाइनल प्रवेशका लागि क्लासिक वारियर्स र संगम फुटबल क्लब प्रतिष्पर्धा गर्ने आयोजक क्लबका अध्यक्ष मिनबहादुर बस्नेतले बताए ।
जेठ २८ गतेसम्म सञ्चालन हुने प्रतियोगिताको विजेताले ५० हजार रुपैयाँ नगद प्राप्त गर्नुका साथै उपविजेताले ३० हजार र ट्रफी प्राप्त गर्ने छन् ।
