गौशाला । महोत्तरीको गौशाला नगरपालिका वडा नम्बर १० मा एक वर्षमा ३ पटक श्री सिताराम नाम जाप महायज्ञ (नवाह) भएको छ । समाजमा अमनचैन, सुख, शान्ति होस भन्ने धार्मिक विश्वासका साथ पहिलोपटक नवाह गौशाला नगरपालिका वडा नम्बर १० स्थित स्कुल नजिक रहेको गाउँको कुल देवता(ब्रहम स्थान) मा २०७७ चैत १८ गते देखि २८ गते सम्म सम्पन्न भएको थियो भने सोही वडामा दोस्रो नवाह वडा कार्यालय नजिक ब्रहम स्थानमा २०७८ श्रावण ३२ गते देखि भाद्र ९ गते सम्म सम्मपन भएको स्थानीय उपेन्द्र राई कुर्मीले बताए ।

त्यस्तै अहिले पुन : गौशाला नगरपालिका वडा नम्बर १० गाउ भन्दा उत्तर तर्फ जंगल छेउमा रहेको श्री बालखण्डी बाबा मन्दिरमा २०७९ जेष्ठ २१ गते देखि सुरु भएको छ ।

बाजागाजा सहित निकालिएको सोभ कलश यात्रा नगरपालिकाको विभिन्न भागको परिक्रमा गरी भरतपुर र गौशाला बजारको बीचमा अवस्थित रहेको मरहा खोलामा (मांडवी गंगा)मा जल भरेर श्री सीताराम नाम जाप नवाह महायज्ञ सुरु गर्ने गरेको स्थानीय मणिक लाल महतोले बताए । महतोका अनुसा बेलाबेलामा एकाह, नवाह जस्ता धार्मिक पुजा पाठ गरे भने गाँउमा सुख शान्ति हुने गरेको धरार्मीक विश्वास रहेको बताए ।