वीरगञ्ज, २२ जेठ । सडकको कुकुरसँग ठक्कर खाएर मोटरसाइकल दुर्घटनामा पर्दा १ जनाको मृत्यु भएको छ ।

बाराको कलैया उपमहानगरपालिका वडा नम्बर २४ स्थित पिलुवा कलैया सडक खण्डमा पिलुवाबाट कलैयातर्फ आउँदै गरेको ना.५१ प् ६००२ नम्बरको मोटरसाइकल जेठ १५ गते बाटो क्रस गर्दै गरेको कुकुरसँग ठोक्किएको थियो ।

प्रहरी चौकी जैतापुरका अनुसार कुकुरसँग ठोक्किएपछि मोटरसाइकल अनियन्त्रीत भई दुर्घटना हुँदा मोटरसाइकल चालक कलैया वडा नम्बर २४ बेलवाडी निवासी ३५ वर्षीय जयमंगल महतो टाउकोमा चोट लागी बेहोस भएका थिए । प्रादेशिक अस्पताल कलैयामा सामान्य उपचारपछि न्युरो अस्पताल वीरगञ्जमा उपचारको क्रममा शनिवार राति ८ बजे निधन भएको जिल्ला प्रहरी कार्यालय बाराले जनाएको छ ।