वीरगञ्ज, २२ जेठ । वीरगञ्ज महानगरपालिका वडा नम्बर १ छपकैयामा निःशूलक स्वास्थ्य शिविर सम्पन्न भएको छ ।

सेभ द ह्युमानिटीको आयोजनामा शनिवार निःशूल्क चेकजाँच एवम् स्वास्थ्य शिविर सम्पन्न भएको हो । संस्थाका अध्यक्ष्म महमद शेख अताउलको अध्यक्षतामा भएको स्वास्थ्य शिविरमा ५० जना भन्दा धेरै स्थानीयले स्वास्थ्य चेकजाँच गराएका थिए ।

सो अवसरमा डा. निजर कुमार क्याल र डा. रितेश राउतसहितको टोलीले स्वास्थ्य परीक्षण गरेको संस्थाका सचिव रितिक कुमारले जानकारी दिए । शिविरको उद्घाटन कार्यक्रममा वडा प्रहरी कार्यालय बिर्ताका प्रमुख प्रहरी निरीक्षक बिशाल मल्ल, वडा नम्बर १ का वडाअध्यक्ष्म मनोज राउत कुर्मी लगायतको उपस्थिती रहेको थियो ।