वीरगञ्ज, १९ जेठ । पर्साको पर्सागढी नगरपालिकाको कार्यपालिका सदस्यमा नेकपा एमालेका ६ जना, जसपा र लोसपाका १/१ जना निर्वाचित भएका छन् । बिहिवार भएकाो कार्यपालिका सदस्यको निर्वाचनमा एमालेका ६ जना जसपा र लोसपाबाट १/१ जना बिजयी भएका हुन् । एमालेबाट सीता देवी लामा, श्रीचन्दा देवी थरुनी, सबिता गिरी, लक्ष्मी विश्वकर्मा र लक्ष्मी विश्वकर्मा र लोसपाकी निता कुमारी देवी महिला सदस्यमा बिजयी भएका हुन् ।
दलित वा अल्पसंख्यक सदस्यमा जसपाका असलम आलम, एमालेका मोहनलाल महतो र दिल बहादुर भुजेल निर्वाचित भएका हुन् । ४७ जना मतदाताले कार्यपालिका सदस्यका लागि मतदान गरेका थिए ।
पर्सागढी नगरपालिकामा एमालेले मेयर र उपमेयर सहित दुइ वडा अध्यक्ष, जसपाले दुइ वडाअध्यक्ष, काँग्रेसले तीन वडाअध्यक्ष, लोसपाले एक वडाअध्यक्ष र एउटा वडामा स्वतन्त्र उम्मेदवार वडाअध्यक्षमा निर्वाचित भएका छन् ।
