वीरगंज । सत्तासाझेदार नेकपा(एकीकृत समाजवादी) सांसद निरुदेवी जैरुले विमान दुर्घटनालाई सरकारले गम्भीररूपमा लिनुपर्ने बताएकी छन् ।
बुधबार प्रतिनिधि सभाको बैठकमा सरकारले आगामी आर्थिक वर्षका लागि ल्याएको बजेटमाथिको सैद्धान्तिक छलफलमा बोल्दै उनले पटक–पटक हुने विमान दुर्घटनाको कारण पत्ता लगाएर त्यसलाई समाधान गर्नुपर्ने बताइन् ।
सरकार यसमा गम्भिर हुन ध्यानाकर्षण समेत गराउँदै उनले भनिन्, “पटक–पटक हुने विमान दुर्घटनामा सरकारको ध्यान जाओस् । सरकारले विषय गम्भीर रूपमा नलिए कति पटक दुर्घटना हुने ?” उनले प्रश्न गरिन्,“ तारा एयरको विमान दुर्घटना अध्ययनका लागि सम्बन्धित मन्त्रालयले ५ सदस्यीय अध्ययन टोली बनाएको छ । त्यो टोली तथ्यांक संकलनमा मात्र सीमित नहोस् ।”