रौतहट । रौतहट जिल्लाको सबै भन्दा पुरानो नगरपालिकाको रुपमा रहेको गौर नगरपालिकाको नवनिर्वाचित नगरप्रमुख शम्भु साहले एक कार्यक्रमको बिच बिधयालय भवनको शुक्रबार शिलान्यास गर्नु भएको छ । नगरप्रमुख साहले श्री जुद्ध माध्यमिक बिधयालयको झन्डै १ करोडको लागतमा निर्माण हुन लागेको नयाँ भवनको शुक्रवार बिधिवत रुपमा शिलान्यास गर्नु भएको छ ।

आफू निर्वाचित भए लग्तै नगरप्रमुख साहले गौर नगरपालिकालाई बिकशीत गर्ने तर्फ लागि परेको छ।त्यस्तै नगरप्रमुख शम्भु साहले श्री जुद्ध माध्यमिक बिधयालयको अवस्था सुधार गर्न र दिवा खाजामा पौष्टिक खाना खुवाउन प्रधानध्यापकलाई निर्देशन दिनु भएको छ । निर्वाचित भए पछि नगरप्रमुख शम्भु साहले गौर नगरपालिका स्थित अवस्थित रहेको सबै कार्यालयमा छड्के अनुगमन समेत गरिरहेको छ ।