जनकपुरधाम, जेष्ठ १० । धनुषाका १८ वटै पालिकाका प्रमुख तथा अध्यक्षहरूले पद तथा गोपनीयताको सपथ लिएका छन्। जनकपुरधाम उपमहानगरपालिकामा आयोजित सपथ ग्रहण कार्यक्रममा जिल्ला अदालतका मुख्य न्यायाधीश एवं मुख्य निर्वाचन अधिकृत ब्रजेश प्याकुरेलले सपथ गराएका हुन्।

सपथ ग्रहण कार्यक्रममा मुख्य निर्वाचन अधिकृत प्याकुरेलले प्रमुख/अध्यक्ष तथा उपप्रमुख/उपाध्यक्षहरूलाई स्थानीय तहको निर्वाचनमा निर्वाचित भएको प्रमाणपत्र पनि वितरण गरे। सपथ ग्रहणपछि आजै जनप्रतिनिधिहरूले पदभारसमेत ग्रहण गर्ने भएका छन्।