वीरगञ्ज, ९ जेठ । पर्सा प्रहरीले १२ बोरको एक नाले घरेलु बन्दुक सहित एक जनालाई पक्राउ गरेको छ । प्रहरीले बिशेष सूचनाको अधारमा पर्सा पर्सागढी नगरपालिका वडा नं.९ बस्ने वर्ष २७ को मनोज भन्ने शिबु माझी मुसहरले बन्दुक सहित पक्राउ गरेको हो ।

बन्दुक बोकी बडेर्वाबाट तेलिया टोलतर्फ जाँदै गरेको भन्ने सूचना प्राप्त भएपछि खोजतलास तथा अनुसन्धानको क्रममा ईलाका प्रहरी कार्यालय एकटाँगा र अस्थायी प्रहरी पोष्ट मनवाबाट संयुक्त टोलीले तेलीया टोल जाने सडकखण्डबाट मुसहरलाई पक्राउ गरेको हो ।

प्रहरी टोलीलाई देख्नासाथ मनोज भन्ने शिबु माझी मुसहरले भाग्ने खोजेका थिए । तर प्रहरीले सक्रियता देखाउदै १२ बोरको १ नाले घरेलु बन्दुक सहित मुसहरलाई पक्राउ गर्न सफल भएको थियो । पक्राउ परेको मुसहरलाई हातहतियार तथा खरखजाना सम्बन्धी कसूरमा अनुसन्धान भैरहेका जिल्ला प्रहरी कार्यालय पर्साका प्रहरी नायब उपरिक्षक ओमप्रकाश खनालले बताउनु भयो ।