पर्सा । मोटरसाइकल चोरी गरेको अभियोगमा २ जनालाई प्रहरीले नियन्त्रणमा लिएको छ । मिति २०७९।०१।२७ गते अंदाजी २४ : ०० बजे जिल्ला पर्सा वीरगञ्ज महानगरपालिका वडा नं.२१ बस्ने वर्ष २३ का सन्दिप कुमार चौरसियाको ना.५१ प ५१२२ नम्बरको प्लाटिना मोटरसाइकल आफ्नै घर अगाडि पार्किङ गरी राखिएको अवस्थाबाट चोरी भएको थियो ।
प्रहरीलाई सूचना प्राप्त भई खोजतलास तथा अनुसन्धान गर्ने क्रममा ईलाका प्रहरी कार्यालय एकटांगाबाट खटिएको चेकिङ टोलीले उल्लेखित नम्बरको मोटरसाइकलमा BR05A 8872 नम्बरको भारतीय नम्बर प्लेट लगाई चलाइरहेको अवस्थामा गत शुक्रबार १६ : ३० बजे जिल्ला पर्सा पर्सागढी न.पा.वडा नं.३ बडनिहार बजारमा फेला परेको थियो ।
जिल्ला पर्सा पर्सागढी न.पा.वडा नं.९ का १८ वर्षिय निरञ्जन यादव र धिरज कुमार यादवलाई नियन्त्रणमा लिई चोरी कसूरमा अनुसन्धान भैरहेको पर्सा प्रहरीले जनाएको छ । साथै निजहरूबाट BR22AF8592 नम्बरको भारतीय नम्बरको TVS मोटरसाइकल समेत बरामद भएकोमा उक्त मोटरसाइकल चोरीको रहेको खुल्न आएकोले थप अनुसन्धान भैरहेको छ ।