महोत्तरी – महोत्तरीको भंगहा नगरपालिकाको मेयरमा पुनः संजिव कुमार साह विजयी भएका छन् । लोकतान्त्रिक समाजवादी पार्टी (लोसपा) बाट उनी पुनः मेयर पदमा निर्वाचित भएका हुन् । आफ्ना निकटतम प्रतिद्वन्दी नेपाली काँग्रेसका विजय मण्डललाई पराजित गर्दै निवर्तमान मेयर साह पुनः विजयी भएका छन् । मतगणना परिणामको अन्तिम नतिजा औपचारिक घोषणा हुन बाँकी रहेको छ ।

यस्तै उपमेयरमा काँग्रसकी शान्ति कुमारी सिंह विजयी भएकी छन् । उनले लोसपाकी उम्मेदवार निवर्तमान उपमेयर गंगाकुमारी सिंहलाई पराजित गर्दै विजयी भएकी हुन् । २०७४ को स्थानीय चुनावमा भंगहा नगरपालिकामा मेयर र उपमेयरसहित अधिकांश वडा ंतत्कालिन राष्ट्रिय जनता पार्टी (राजपा)ले जितेको थियो । यो पटक लोसपाले उपमेयरसहित केहि वडा गुमाउनु परेको छ ।