वीरगञ्ज । वीरगञ्ज महानगरपालिकामा गठबन्धनबाट मेयर उमेदवार रहेका जसपाका राजेशमान सिंहले झण्डै दोब्बर मतले अग्रता कायमै राखेका छन् । उनी एमाले–लोसपा गठबन्धनका उम्मेदवार विजयकुमार सरावगीभन्दा १५ हजार ३३६ मतले अगाडि रहेका हुन् । पछिल्लो मतपरिणामअनुसार सिंहले ३२ हजार १५८ मत प्राप्त गरेका छन् । उनलाई एमालेका विजय सरावगीले १६ हजार ८२२ मत प्राप्त गरेका छन् ।

राप्रपाबाट मेयरका उम्मेदवार रेहका गिरिश गिरीले २ हजर ३५९ मत पाएका छन् । त्यस्तै, गठबन्धनबाटै उपमेयर उम्मेदवार रहेका नेपाली कांग्रेसका इम्तियाज आलमले २२ हजार १०५ मत ल्याएका छन् । उनका निकटतम प्रतिस्पर्धी एमाले–लोसपा गठबन्धनबाट उपमेयरका उम्मेदवार रहेका लोसपाका पुरुषोतम झाले ५ हजार २६६ मत प्राप्त गरेका छन् ।