वीरगञ्ज । वीरगञ्ज महानगरपालिकामा पाँच दलीय गठबन्धनबाट जनता समाजवादी पार्टी (जसपा) का राजेशमान सिंह प्रतिद्वन्द्वीभन्दा १५ हजार ८ सय ९५ मतान्तरले अगाडी छन् । वीरगञ्ज महानगरपालिकाको प्रमुखमा हाल सम्म भएको मत गणनाको परिणामअनुसार राजेशमान सिंहले ३३ हजार ३ सय १५ मत प्राप्त गरेका छन् । उनका प्रतिद्वन्द्वी नेकपा एमाले र लोकतान्त्रि समाजवादी पार्टी (लोसपा) को गठबन्धनका बिजय कुमार सरावगीले १७ हजार ४ सय २० मत प्राप्त गरेका छन् ।

राष्ट्रिय प्रजातन्त्र पार्टी (राप्रपा) का गिरीश गिरीले २ हजार ४ सय ७४ मत प्राप्त गरेका छन् । उपप्रमुखमा पनि पाँच दलीय गठबन्धनबाटै नेपाली कांग्रेसका इम्तिया आलमले अग्रतालाई कायमै राखेका छन् । आलमले २२ हजार ८ सय १३ मत पाउँदा लोसपाका पुरुषोत्तमलाल झाले ५ हजार ५ सय ५९ मत पाएका छन् । राप्रपाकी बिना जैसवाल कुर्मीले ४ हजार ३ सय १ मत पाएकी छिन् भने स्वतन्त्र उम्मेदवार रम्भा मिश्राले ३ हजार १ सय ६८ मत प्राप्त गरेकी छिन् ।