वीरगञ्ज । वीरगञ्ज महानगरपालिका वडा नम्बर ९ को वडा अध्यक्षमा नेपाली काँग्रेसका जवाहर प्रसाद गुप्ता प्यानलसहित विजयी भएका छन् । निवर्तमान वडाअध्यक्ष एंव जसपाका उम्मेदवार मनोज प्रसाद कलवारलाइ ६८ मतले पछि पार्दै गुप्ता वडाअध्यक्षमा बिजयी भएका हुन् । गुप्ताले ६ सय १२ मत पाउदा कलवारले भने ५ सय ४४ मत पाएका छन् । एमालेकी उम्मेदवार मिनाक्षी गुप्ता भने ६५ मतमै सिमित भएकी छिन् ।जवाहर गुप्ता गत निर्वाचनमा कलवारसँगै पराजित भएका थिए ।

वडा नम्बर ९ मा वडा अध्यक्ष, दुइ खुल्ला सदस्य, महिला सदस्य र दलित महिला सदस्य सहित ५ वटै पद काँग्रेसले जितेको छ । महिला सदस्यमा अंजिता डंगोल साही, दलित महिला सदस्यमा कुमारी सोनी, खुला सदस्यमा नन्दकिशोर चौहान र लालबाबु प्रसाद कलवार निर्वाचित भएका छन् ।