रौतहट । रौतहट मतदान केन्द्रबाट बैशाख ३० गते निर्वाचनका दिन यमुनामाई गाउँपालिका– २ स्थित श्री मावि भेडियाही विधालयमा अवस्थित मतदान केन्द्रबाट मतपेटिका लुटेर फरार भएका अभियुक्तलाई प्रहरीले पक्राउ गरेको छ ।

पक्राउ पर्नेमा यमुनामाई गाउँपालिका वडा २ बस्ने ४६ वर्षीय चन्देश्वर बैठा रहेका छन् । घरमै लुकीछिपी बसेको अवस्थामा फेला पारी बैठालाइ जिल्ला प्रहरी कार्यालय रौतहटको प्रहरी टोलिले पक्राउ गरेको हो । पक्राउ परेका बैठामाथि निर्वाचन (कसुर तथा सजाय) ऐन, २०७३ बमोजिम कानूनी कारवाहीको लागि रौतहट जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।