वीरगंज । पर्सा जिल्लाको छिपहरमाई गाउँपालिका – २ मा नेकपा एमालेका वडा अध्यक्ष सहित पुरै प्यानल बिजयी भएको छ। नेकपा एमाले बाट वडा अध्यक्षका उम्मेदवार बनेका महेन्द्र साह कालवार ९ सय ६७ मत ल्याएर निर्वाचित भएका हुन् । २७९ मत बढी ल्याई कलवारले कॉंग्रेसका उम्मेदवारलाई पराजित गरेका थिए ।

निर्वाचित महिला सदस्य नसिमा खातुन ११०९ मत , दलित महिला सदस्य कैलसिया देवी १०८४ मत , खुल्ला सदस्य सकुर मिया तेली १०४१ मत र खुल्ला सदस्य बसदेव साह कानु १०२० मत पाएर निर्वाचित भए संगै छिपहरमाई गाउँपालिकामा एमाले खाता खोलेको छ ।

उनका प्रतिद्धन्दी कॉंग्रेसका उम्मेदवारले ६८८ मत पाएका थिए। यस वडामा कुल मतदाता संख्या ४ हजार १ सय २५ थियो । जसमध्ये ३ हजार ३ सय ९२ मत खसेका थियो । वडा अध्यक्ष कलवार २०७४ को स्थानीय निर्वाचनमा पनि मसाल छाप फोरमका तर्फबाट बिजयी भएका थिए । यस निर्वाचनमा समेत निर्वाचित भए संगै उनी वडा अध्यक्षमा दोहरिएका छन् ।