जनकपुरधाम । सिरहाको भगवानपुर गाउँपालिकाको अध्यक्ष र उपाध्यक्ष दुवै पदमा नेकपा (एमाले)का उमेदवार विजयी भएका छन् ।

अध्यक्षमा एमालेका उग्रनारायण यादव चार हजार ३०२ मत ल्याएर निर्वाचित भएका हुन् । उनका निकटतम प्रतिस्पर्धी जनता समाजवादी पार्टी (जसपा)का उमेदवार बेचन यादवले तीन हजार २३९ मत ल्याएका छन् ।

बेचन ०७४ सालको निर्वाचनमा अध्यक्षमा निर्वाचित भएका थिए । एमालेका उग्रनारायण त्यति बेला पराजित भएका थिए । उपाध्यक्षमा पनि एमालेकी उमेदवार रेखाकुमारी यादव तीन हजार ९६० मत ल्याएर विजयी भएकी छन् । उनका निकटम प्रतिस्पर्धी जसपाकी जिवछीदेवी यादवले तीन हजार २१० मत प्राप्त गरिन् ।