बारा,२ जेठ । बाराको महागढीमाई नगरपालिकामा मतगणना स्थलबाट निर्वाचनका कर्मचारीहरु फरार भएका छन् । दलका प्रतिनिधिहरुलाई बिना सूचना निर्वाचनका कर्मचारीहरु सम्पर्क बिहिन भए पछि मतगणना प्रक्रिया रोकिएकोछ । मतगणनामा खटिएका कर्मचारीहरु बिहान २ निर्वाचन अधिकृतलाई जानकारी दिएर सम्पर्क बिहिन भएको दलका प्रतिनिधिहरुले जानकारी दिएका छन् ।
बिहान १ बजे पछि रोकिएको मतगणना कति बेला देखि सुचारु हुने बारे अन्यौलता रहेको छ । बाराका प्रमुख जिल्ला अधिकारी कृष्ण बहादुर कटुवाल सहितको टोलीले महागढीमाई नगरपालिकाको मतगणना स्थलको निरिक्षण अनुगम गर्दै चाडै अर्को कर्मचारीहरुको व्यवस्थापन गरी मतगणना कार्य सुचारु गरिएने जानकारी दिनु भयो ।
महागढीमाई नगरपालिकाको मतदान अधिकृतले गणनामा खटिएका कर्मचारीहरुले गणना गर्न नसक्ने प्रतिक्रिया दिएर गएको बताउदै चाडै अर्को व्यवस्था गरी गणना सुचारु गर्ने स्थानिय संचारकर्मीहरुलाई जानकारी दिएका छन् । तर गणना कति खेरदेखि सुचारु हुने हो भन्न नसकिने उनले बताउनु भयो ।