वीरगन्ज । वीरगञ्ज बौद्ध समितिको आयोजनामा वीरगञ्जमा २५६६ औँ बौद्ध जयन्ति मनाइएको छ । समितिका बरिष्ठ उपाध्यक्ष प्राध्यापक डा. दीपक शाक्यको सभापतित्वमा भएको कार्यक्रमलाई सम्बोधन गर्दै मधेश प्रदेशका मुख्यमन्त्री लालबाबु राउतले भगवान बुद्धको जन्मोत्सवकै दिन भारतीय प्रधानमन्त्रीको लुम्बिनी भ्रमण फलदायी हुने विश्वास व्यक्त गरे । तेस्मा विभिन्न पार्टीको नेता लगायत विभिन्न ब्याक्ती हरुको उपस्थिति रहेको थियो ।

आज वैशाख शुक्ल पूर्णिमा अर्थात २५६६ औं बुद्ध जयन्ती । भगवान् बुद्धप्रति आस्था प्रकट गरी मनाइँने यो पर्व गौतम बुद्धको जन्म, बुद्धत्व प्राप्ति र महापरिनिर्वाण प्राप्तिको दिनमा मनाउने चलन रहेको छ । वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग दिवसका नामले महत्वपूर्ण दिनका रुपमा लिने गर्छन् ।

नेपालको लुम्बिनीमा इसापूर्व ५६३ अर्थात् आजभन्दा २५६६ वर्षअघि सिद्धार्थ गौतमको जन्म वैशाख शुक्ल पूर्णिमाकै दिनमा भएको थियो । राजा शुद्धोधन र रानी मायादेवीको सुपुत्रका रुपमा जन्मेका सिद्धार्थ गौतमले २९ वर्षको उमेरमा घरबार र दरबार त्यागी ज्ञानको खोजीमा लागेको शास्त्रमा उल्लेख छ।

६ वर्षको तपस्यापछि ३५ वर्षको उमेरमा इसापूर्व ५२८ मा भारतको बौद्धगयामा वैशाख शुक्ल पूर्णिमाकै दिन सिद्धार्थ गौतमलाई बुद्धत्व प्राप्ति भएपछि भगवान बुद्धका रुपमा उनले विश्व प्रसिद्धि पाउएका थिए । एसियाका ज्योतिको रुपमा चिनिने बुद्वले ३६ वर्षको उमेरमा सारनाथमा पहिलोपटक पाँचजना शिष्यलाई प्रवचन दिएका थिए ।

भगवान् बुद्धले बुद्धत्व प्राप्त गरेका मुख्य कुरा चार आर्य सत्य रहेका छन् । जन्म, व्याधि, जरा र मृत्युका चार सत्यलाई बुद्धले व्याख्या गरेका छन् ।

यसलाई बुद्धले दिएको आर्य अष्टाङ्गिक मार्ग र पञ्चशीलको उपदेश पनि भनिन्छ । वीरगन्जमा रयाली लगायतका कार्यक्रम भएको छ भने सरकारले सार्वजनिक विदा पनि दिएको छ ।