वीरगञ्ज १ जेठ । पर्साको बहुदरमाई नगरपालिकामा नेकपा एमालेलाई नेपाली कांग्रेसले पछ्याइरहेको छ । नगरपालिकामा हालसम्म गणना भएको ३ हजार ५ सय ५७ मतमध्ये १ हजार २ सय ८ भोटले नेकपा एमाले अगाडी छ भने नेपाली कांग्रेसले १ हजार १ सय ६ मत पाएको छ ।
नेकपा एमालेबाट नगरप्रमुख (मेयर) का उम्मेदवार शिब पटेलले नेपाली कांग्रेसका मेयरका उम्मेदवार नितेन्द्र साहलाई उछिन्दै अगाडी बढेका हुन् । कांग्रेसका साह निवर्तमान मेयर समेत हुन् ।
जनता समाजवादी पार्टी (जसपा) ८ सय ७४ मतका साथ तेस्रो स्थानमा रहेको छ ।
नगरपालिकाको उपमेयरमा पनि एमालेले नै अग्रता लिएको छ । एमालेले १ हजार २ सय ५ मत पाउँदा कांग्रेसले १ हजार १ सय ११ मतका साथ दोस्रो स्थानमा छ । जसपालाई ७ सय ४३ मत परेको निर्वाचन अधिकृतको कार्यालयले जानकारी दिएको छ ।
