जनकपुर,२७ वैशाख । धनुषाको लक्ष्मिनिया गाउँपालिका–४ सपहिमा सोमबार दिउँसो ट्याम्पो दुर्घटना हुँदा एक बालिकाको मृत्यु भएको छ भने ३ जना घाइते भएका छन् । ज १ ह ४८८३ नम्बरको ट्याम्पो अनियन्त्रित भइ पल्टिँदा ट्याम्पोमा सवार लक्ष्मिनिया गाउँपालिका–१ की ८ वर्षीया जुलि कुमारी साहको मृत्यु भएको हो ।

दुर्घटनामा घाइते भएकी बालिकाको उपचारका क्रममा सेन्ट्रल अस्पताल लक्ष्मिनियामा मृत्यु भएको प्रहरीले जनाएको छ । यस्तै, घाइते भएका ३ जनाकै सोही अस्पतालमा उपचार भइरहेको छ । सामान्य घाइते भएका ट्याम्पो चालकलाई उपचार पश्चात् इलाका प्रहरी कार्यालय महेन्द्रनगरले नियन्त्रणमा लिएको छ ।