काठमाडौँ | काठमाडौँ उपत्यका ट्राफिक प्रहरी कार्यालयमा कार्यरत ४२ सहयोगी कर्मचारीलाई खादा लगाएर सम्मान गरिएको छ । कार्यालय प्रमुख प्रहरी वरिष्ठ उपरीक्षक उमेश राज जोशीले यो कार्यालय तथा मातहतमा कार्यरत ४२ कार्यालय सहयोगीलाई विभिन्न तहमा स्तर निर्धारण भएको जानकारी दिँदै खादा लगाएर सम्मान गरेका हुन् ।

कार्यक्रममा एसएएसी जोशीले प्रहरी कर्मचारीहरूसँग अन्तरक्रियासमेत गरेका थिए । यस अवसरमा एसएसपी जोशीले आगामी दिनमा कार्यालय तथा संगठनको गरिमा उच्च पार्न थप ईमान्दारी, क्रियाशील र समर्पित भई सेवा गर्न निर्देशनसमेत दिए ।

उनले नेपाल प्रहरीको श्रेणी विहीन पदमा रही लामो समयदेखि कार्यालयको कामकारबाहीमा सहयोग गरिरहेका प्रहरी कर्मचारीको स्तर निर्धारण हुँदा थप उत्प्रेरणा र मनोवल उच्च भएको पनि बताए । यस ट्राफिक प्रहरी कार्यालयमा कार्यरत ५ जना पञ्चम, ११ जना चतुर्थ, १३ जना तृतीय, ८ जना द्वितीय र ४ जनालाई प्रथम स्तरमा स्तर निर्धारण गरिएको छ । कार्यक्रममा प्रहरी उपरीक्षक, प्रहरी नायव उपरीक्षक तथा अन्य ट्राफिक प्रहरी अधिकृतहरूको उपस्थिति थियो ।