गुल्मी | नेपाल सरकारका गृहमन्त्री बालकृष्ण खाँडले तोकिएकै समयमा स्थानीय तहको निर्वाचन हुने बताएका छन्।मन्त्री खाँडले तोकिएकै समय बैशाख ३० मा भयरहित वातावरणमा स्थानीय तहको निर्वाचन हुने जानकारी दिए।

निर्वाचनलाई भयरहित वातावरणमा सम्पन्न गर्नका लागि सरकार प्रतिबद्ध रहेको समेत उनले दाबी गरे।
गुल्मी उद्योग वाणिज्य संघले आयोजना गरेको चौथो गुल्मी महोत्सवको उद्घाटन गर्न खाँड तम्घास पुगेका हुन्।निर्वाचनमा सबै दलहरूलाई सहभागी हुनका लागि आग्रह गर्दै निर्वाचनको माध्यमबाट मात्र देशमा स्थायित्व कायम रहने उनको भनाइ थियो।

महोत्सवमा विभिन्न औधोगिक क्षेत्रबाट उत्पादित सामाग्रीहरु सँगै गुल्मी जिल्लाका विभिन्न जाति विशेषका खानाका परिकार, विभिन्न सँस्कृति झल्किने झाँकी प्रदर्शन गरिएको थियो।महोत्सव ८० हजार दर्शकले अवलोकन गर्ने अपेक्षा राखिएको गुल्मी उद्योग बाणिज्य संघका अध्यक्ष ईश्वरीप्रसाद पौडेलले बताए ।