बारा । जिल्ला प्रहरी कार्यालय बाराले प्रतिबन्धित लागु औषधसहित १ जनालाई पक्राउ गरेको छ ।

सर्लाहीको पर्सा गाउँपालिका २ संग्रामपुर निवासी २० वर्षीय मिथिलेश कुमार मण्डललाई प्रहरीले पक्राउ गरेको हो । बाराका प्रवक्ता एवम् प्रहरी नायब उपरीक्षक (डिएसपी) राजेश थापाका अनुसार जितपुरसिमरा उपमहानगरपालिका१ तिनकुने चौकबाट प्रहरी चेकिङ्ग टोलीले प्रतिबन्धित लागु औषध बरामद गरेको हो ।

चेकजाँच गर्ने क्रममा सर्लाहीबाट काठमाण्डौं जादै गरेको ना ७ ख २६८१ नम्बरको बसको डिकीबाट लागु औषध बरामद गरिएका डिएसपी थापाले बताए । डिकिमा लुकाई छिपाई राखेको अवस्थामा फेनारगन १ हजार ७ पिस, नुरफिन ९ सय ८६ पिस, डाईजेपाम ९ सय ९७ पिस बरामद गरेको थापाले जानकारी दिए ।

बरामद लागुऔषधसहित पक्राउ परेका मण्डलमाथि आवश्यक अनुसन्धान भईरहेको छ ।