वीरगंज । पर्सा प्रहरीले भन्सार छली ल्याईएको हार्डवेयर तथा खुद्रा मालवस्तुहरु लोड रहेको ट्रक नियन्त्रणमा लिएको छ । प्रज्ञापन पत्र बिनाको हार्डवेयर तथा खुद्रा मालवस्तुहरू लोड गरी जनकपुर लाँदै गरेको भन्ने सूचनाको आधारमा जिल्ला प्रहरी कार्यालय पर्साबाट खटिएको
प्रहरी टोलीले वीरगंज महानगरपालिका वडा नं. ८ घण्टाघर स्थित सडक खण्डमा ना.३ ख ४३५९ नम्बरको मालवाहक ट्रक रोकी जाँच गर्ने क्रममा सूचना अनुरूप नै भन्सार छली गरी ल्याइएका हार्डवेयर तथा खुद्रा मालवस्तुहरू फेला पारी नियन्त्रणमा लिएको जिल्ला प्रहरी कार्यालय पर्साले जनाएको छ ।
बरामद गरिएको उक्त ट्रक सामान सहित ४० लाख मूल्यांकन गरि थप कारबाहीको लागि राजस्व अनुसन्धान कार्यालय पथलैया बारामा बुझाइएको जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेतले जानकारी दिए ।
