राैतहट । शिक्षा विकास तथा समन्वय इकाई रौतहटले अधिकांश शिक्षकहरू शिक्षक सेवा आयोगको परीक्षाको परीक्षार्थी भएको भन्दै रौतहटका विद्यालयहरू ६ दिन बन्द गर्न सम्पूर्ण पालिकाका प्रमुखहरूलाई अनुरोध गरेको छ ।

वर्षे विदामा कट्टी हुने गरी चैत १३ गतेदेखि १८ गतेसम्म ६ दिन बिदा दिन आग्रह गरेको हो । न्यू गौर, राजदेवी, देवाही गोनाही, गरुडा, गढीमाई, माधव नारायण, वन्दावन, चन्द्रपुर, गुजरा, फतुहा विजयपुर,मौलापुर,बौधीमाई,परोहा, राजपुर र इशनाथ नगरपालिका तथा दुर्गा भगवती र यमुनामाई गाउँपालिकाका नगर प्रमुखलाई विद्यालय बन्द गर्न अनुरोध गरेको शिक्षा विकास तथा समन्वय इकाईले बताएको छ ।

इकाईले शिक्षक पेसागत संगठनका अध्यक्षहरूको निर्णय सिफारिस बमोजिम शिक्षक सेवा आयोगबाट माध्यमिक, निम्न माध्यमिक र प्राथमिक तहका शिक्षकहरूको खुल्ला तथा बढुवा सम्बन्धी प्रतियोगितात्मक परीक्षामा स्थायी, करार तथा राहत शिक्षकहरू परीक्षार्थी हुने भएकोले सबै विद्यालय बन्द गरिदिन पत्र लेखेका छन् ।