वीरगंज | नेकपा एमालेका अध्यक्ष एंव पूर्व प्रधानमन्त्री केपी शर्मा ओलीले वीरगञ्ज महानगरका नगरप्रमुख विजय सरावगी एमालेमा प्रवेश गरेपछि महानगरपालिका एमालेको नियन्त्रणमा आएको बताउनु भएको छ ।
बाराको आदर्श कोतवाल गाउँपालिकामा शनिबार आयोजित पार्टी प्रवेश कार्यक्रमलाई सम्बोधन गर्दै नेकपा एमालेका अध्यक्ष एंव पूर्व प्रधानमन्त्री केपी शर्मा ओलीले सो धारणा राख्नु भएको हो । उहाँले मधेसका नेताले मधेसको अगुवाइ नगरेरै मधेसको विकास हुन नसकेको बताउदै पहाडमा बाटो बनाउनुपरे पहरो फोड्नुपर्ने तर मधेसमा त्यस्तो समस्या नभएका कारण भौतिक विकास गर्न यहाँ सजिलो भएको दाबी गर्नु भयो ।
मधेसी दलका नेताहरुले विकासका काम नगर्ने , मुद्दा उठाउने , मुद्दामा जनतालाई अल्मलाएर मुद्रा आर्जन गर्ने गरेकाले यहाँको विकास हुन नसकेको दाबी गर्नु भयो ।
नेकपा एमालेले महिनाको एक सय रुपैयाँबाट ज्येष्ठ नागरिक भत्ता सुरु गर्दै अहिले महिनाको चार हजार रुपैयाँ पुर्याएको उहाँले दाबी गर्नु भयो ।
