बारा । प्रणय साह । हिमालयन हेल्पीङ्ग हैण्डस समुहले शनिबार ओम शिवशक्ति बचत तथा ऋण सहकारी संस्था परवानीपुरमा गुरु सम्मान तथा होली मिलन कार्यक्रम आयोजनाको गरेको छ ।
समुहको अध्यक्ष अरुण कुमार साहको अध्यक्षतामा भएको कार्यक्रममा प्रमुख अतिथिको रुपमा हिमालयम माबिका शिक्षक मदन मोहन शर्मा (गुरु शर्मा), सचितानन्द कर्ण, प्रमोद पाण्डेय र राज कुमार साहलाई दोसला तथा अबिर लगाई सम्मान गरिएको थियो ।
वहाँलाई मायाको चिनो पनि प्रदान गरिएको थियो । कार्यक्रमका प्रमुख अतिथि शिक्षक मदन मोहन शर्मा (गुरु शर्मा),ले भुतपुर्व बिध्यार्थीहरुको एकता देखेर खुशी व्यक्त गर्नु भयो । बिध्यार्थीहरुको नयाँ किसिमको अभ्यासले नयाँ पुस्तालाई एक फरक शिक्षा दिने पनि बताउनु भयो । वहाँले आउने दिनमा शिक्षकहरुलाई थप उच्च मनोवलका साथ काम गर्ने हौसला प्राप्त भएको पनि बताउनु भयो ।
सो अवसरमा शिक्षक सचितानन्द कर्ण, प्रमोद पाण्डेय र राज कुमार साहले पनि मंत्वय व्यक्त गर्नु भएको थियो । सो अवसरमा हिमालयन हेल्पीङ्ग हैण्डस समुहका अध्यक्ष अरुण कुमार साहले संस्थाको बारेमा प्रकास पारेका थिए ।
त्यस्तै हिमालयन हेल्पीङ्ग हैण्डस समुहका कोषध्यक्ष नवजात शिशु तथा बाल रोग बिशेषज्ञ डाक्टर आनन्द कुमार रौनियाले निशुल्क बहिरंग सेवा संचालन गर्ने घोषणा गर्नु भयो । कार्यक्रमको सहजीकरण रंजित गुप्ता तथा द्वपेन्द्र ठाकुरले संयुक्त रुपमा गरेका थिए ।
