वीरगञ्ज | पर्साको पोखरिया नगरपालिकाका मेयर नेपाली कांग्रेसमा प्रवेश गरेका छन्।बिहीबार वीरगञ्जमा आयोजित कांग्रेस पर्साका नवनिर्वाचित पदाधिकारीहरुलाई प्रमाणपत्र वितरण कार्यक्रममा पोखरिया नगरपालिकाका मेयर दीपनारायण रौनियार कांग्रेसमा प्रवेश गरेका हुन्। उनलाई कांग्रेस सभापति एवं प्रधानमन्त्री शेरबहादुर देउवाले पार्टी प्रवेश गराएका हुन्।

२०७४ सालमा भएको स्थानीय तहको निर्वाचनमा उनी संघीय समाजवादी पार्टीबाट मेयरमा निर्वाचित भएका थिए। आफू सो पार्टी छोडेर आज कांग्रेसमा प्रवेश गरेको मेयर रौनियारले जानकारी दिए।

नेपाली कांग्रेस सिद्धान्तवादी समाजको लागि लडेको पार्टी भएकोले सो पार्टीमा प्रवेश गरेको उनको भनाइ छ। ‘कांग्रेस समाजको लागि लडेको पार्टी हो, त्यसमा नातावाद कृपावाद छैन। त्यसैले म कांग्रेसमा प्रवेश गरेको हुँ,’ उनले भने।