बीबीसी । नाइजेरियामा एकजना १९ महिने उमेरको विद्यार्थीलाई पिटेर मारेको अभियोगमा एक विद्यालयका शिक्षकलाई पक्राउ गरिएको छ ।

डेल्टा राज्यको असावास्थित एउटा नर्सरी एवम् प्राथमिक विद्यालयका ती क्रुर शिक्षकले दिएको यातनाको कारण बालकको शरीरभरि थुप्रै निलोडाम रहेका छन् ।

नम नखुलाइएका ती शिक्षक सो निजी विद्यालयका मालिकका छोरा भएको अनुसन्धानबाट खुलेको छ । पानीमा खेलिरहेको निहुँमा उनले बालकलाई ज्यानै जानेगरी पिटेका थिए । उनले घटना सम्बन्धमा प्रहरीसमक्ष केही पनि बोलेका छैनन् ।

उनको पिटाइकै कारण गम्भीर बिरामी परेका बालकलाई असावास्थित संघीय चिकित्सा केन्द्रमा भर्ना गरिएको थियो । तर उपचारकै क्रममा उनको मृत्यु भएको हो ।

प्रहरी प्रवक्ता डीएसपि डेफ ब्राइटले उनी विरुद्ध ज्यानमारा मुद्दा चलाइने बीबीसीलाई बताएका छन् ।