वीरगंज | स्वास्थ्य तथा जनसंख्या मन्त्रालयका सचिवसहित दर्जनभन्दा बढी कर्मचारीमा कोरोना संक्रमण देखिएको छ। सचिव डा रोशन पोखरेललाई बुधबार कोरोना पोजिटिभ पुष्टि भएको हो। कोरोना संक्रमण देखिएका डा पोखरेललाई शरीर दुख्ने समस्या छ।

संक्रमण पुष्टि भएपछि डा पोखरेल होम आइसोलेसनमा छन्।

यस्तै मन्त्रालयकी प्रवक्ता डा संगीता मिश्रा, सहायक प्रवक्ता डा समीरकुमार अधिकारी, उपसचिव प्रकाश अधिकारी, भीमप्रसाद सापकोटा, यशोदा अर्याल लगायतका कर्मचारीलाई कोरोना देखिएको हो। उनीहरु सबैको अवस्था सामान्य रहेको बताइएको छ।

मन्त्रालयका कर्मचारीलाई संक्रमण देखिएपछि मन्त्रालयको नियमित काममा समेत असर परेको कर्मचारीहरु बताउँछन्।