जनकपुरधाम,०८ माघ । मधेश प्रदेश सरकारले नाम पाएको एक हप्ता हुन लाग्दा समेत वेवसाइटलाई सँच्याइएको छैन् । प्रदेश सरकारका वेवसाइटहरुमा अझै प्रदेश नं. २ नै लेखिएको हो । मन्त्रालयहरूले आ–आफ्नो आधिकारिक वेभसाइटमा कुनै संसोधन गरेका छैन् । वेवसाइटको निर्माण तथा सञ्चालनका लागि प्रत्येक वर्ष लाखौँ रकम खर्च गर्ने प्रदेश सरकारले नाम पाएको एक साता हुन लाग्दा समेत वेवसाइट तर्फ ध्यान दिएका छैनन् ।

प्रदेशको मुख्य मन्त्री तथा मन्त्रिपरिषदको कार्यालयसहितले अझै नाम सच्याएका छैनन् । कार्यालयको वेभसाइटमा अझै प्रदेश नं. २ को कायम छ । मुख्य मन्त्री तथा मन्त्रिपरिषदको कार्यालयमात्र नभई अर्थ मन्त्रालय, भौतिक पूर्वाधार विकास मन्त्रालय, भूमि व्यवस्था, कृषि तथा सहिकारी मन्त्रालय, खानेपानी तथा उर्जा मन्त्रालयलगायतले अझै नाम परिवर्तन नगरेका हुन् ।

सोमबार नै दुई तिहाईबाट प्रदेश २ को नाम मधेश प्रदेश र स्थायी राजधानी जनकपुरधाम कायम गरिएको छ ।