वीरगन्ज । नेपालमा पछिल्लो २४ घण्टामा ३ हजार ५५३ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार बिहीबार पिसिआर परीक्षणबाट २ हजार ९२२ र एन्टिजेन परीक्षणबाट ६३१ जनामा कोरोना संक्रमण पुष्टि भएको हो।
बिहीबार देशभर १४ हजार ३ सय ४० जना कोरोनाका सक्रिय संक्रमित छन्। पछिल्लो २४ घण्टामा १५ हजार ८१ जनामा कोरोना परीक्षण गरिएको थियो।
यस्तै २७१ जना संक्रमणबाट मुक्त भएका छन् भने २४ घन्टामा कोरोना संक्रमणबाट १ जनाले ज्यान गुमाएका छन्। त्यस्तै काठमाडौं उपत्यकामा १९१६ संक्रमित थपिएका छन्।
