वीरगञ्ज । विजय ठाकुर । पृथ्वीनारायण शाहको ३०० औं जयन्ती दिवसको अवसरमा साइकल दौड ​कार्यक्रमको आयोजना गरिएको छ । वीरगञ्ज साइकिलिङ क्लबले दिवसको अवसरमा साइक्लिङको आयोजना गरेको छ ।

वीरगञ्जको मकालु होटल चोकबाट सुरु भएको साइकल दौड आदर्शनगर, घडिअर्वा, माईस्थान, पावरहाउस चोक, बाइपास सडकबाट बसपार्क हुँदै घण्टाघरमा आएर सम्पन्न भएको थियो ।साइकल दौडमा सहभागीलाई पर्साका प्रमुख जिल्ला अधिकारी उमेशकुमार ढकालले प्रमाणपत्र प्रदान गरेका थिए ।

शारीरिक स्वास्थ्यका लागि दैनिक साइक्लिङ गर्न प्रोत्साहन गर्ने उद्देश्यले वीरगञ्जमा एक वर्षअघि क्लब स्थापना भएको थियो ।