वीरगंज | अनिल सहनी निषाद | यही शनिवार पौष २४ दस जिल्लाका पाँच सङ्गठनका निषाद समुदायहरुद्वारा ” ” निषाद एकता जिन्दावाद ” नाराका साथ निषाद उत्थान केन्द्र नेपालका अध्यक्ष महेन्द्र सहनी, नेपाल निषाद संघका अध्यक्ष रघुनाथ सहनी र राष्ट्रिय निषाद विकास संघका संयोजक जितेन्द्र सहनी संयुक्त अध्यक्षतामा ४० जनाको निर्णायक मण्डली बनाई सबै जना छलफल गरि सर्व सहमतिले समाजवादी निषाद संघ नाम राखेका थिए।

कार्यक्रममा प्रमुख अतिथि निषाद समुदायका पूर्व उर्जा राज्य मन्त्री सत्यनारायण भगत विन, विशिष्ट अतिथिमा पिछडावर्ग निषाद दलित जनजाती पार्टीका अध्यक्ष प्रितम मुखिया, राष्ट्रिय निषाद संस्कृतिका संस्थापक राकेश कुमार केवट, मुखिया कल्याण समाजका सुवेश मुखिया अतिथिमा बाराका कृष्ण सहनी, रौतहटका बिन्दा सहनी, सर्लाहीका दशैं सहनी, सिरहाका दिपक मुखिया, धनुषाका लक्ष्मण सहनी, महोत्तरीका महेश सहनी, सप्तरीका श्याम सुन्दर मुखिया, सुनसरीका रामवती मुखिया, झापाका लाल सहनी लगायत ११ जिल्लाका निषादका उपजाती केवट, कुलवट, वनपर, सोरैया, गोंढी

तथा वीन आदीका २५० जनाको सहभागिता रहेको कार्यक्रममा राष्ट्रिय संयोजक सत्यनारायण भगत बिन निषादलाई बनाई दुई-तीन महिना भित्र संयोजकको अगुवाइमा प्रत्येक जिल्लामा समिति निर्माण भईसके पछि माहाधिवेशन गर्न दायित्व थपिएको थियो।कार्यक्रमको सहजीकरण संयोजक उमेशलाल सहनीले गरेका थिए।