पर्सा १५ पौष। वीरगन्जका होटलहरुको स्तरिकरण तथा वर्गीकरण हुने , खाद्य प्राविधि तथा गुणनियन्त्रण डिबिजन कर्यालयको बार्षिक कार्यक्रम अन्तर्गत डिभिजन कार्यालयको आयोजना ,तथा होटल तथा पर्यटन ब्यबसायी संघ वीरगन्जको सहाअयोजना मा वीरगन्जको रोयल पार्टी प्यालेशमा होटल ,रेस्टुरेन्ट ,पार्टीप्यालेस ,मिठाइ पसलहरु लाई खाद्य स्वच्छता ,गुणस्तर ,स्तरिकरण तथा लोगो बितरणको लागि आबश्यक प्रक्रिया को बारेमा छलफल तथा अन्तर्कृया कार्यक्रम सप्पन्न गरेको छ ।
खाद्य प्राविधि तथा गुण नियन्त्रण डिबिजन कार्यालय जनकपुरका अधिकृत रत्नकानत झाको अध्यक्षता सप्पन्न उक्त कार्यक्रममा वीरगन्जका ५२ ओटा होटलका संचालकको उपस्थितमा कार्यक्रममा डिभिजन कार्यालयले आफनोकार्य पत्र प्रस्तुत गर्दै होटलको स्तरिकरण को प्रक्रिया तथा होटल पूरा गर्नु सामन्य अबस्थाको बारेमा प्रकाश पार्नु भएको थियो ।
कार्यक्रममा विशिष्ट अतिथि भुमिकामा आफ्नो मत्तब्य राख्दै होटल तथा पर्यटन ब्यबसायी संघ वीरगन्जका अध्यक्ष हरि पन्तले डिभिजन कार्यालयले अनुगमन को क्रममा केही अनावश्यक निर्देशन पनि दिने गरेकोले केही व्यवहारिक कुराहरु लाई पनि ध्यान दिन अनुरोध गर्नु भयो । दिलिप राज कार्की ले सहजीकरण गर्नु भयेको कार्यक्रममा डिभिजन कार्यालय वीरगन्जजका प्रमुख बिक्की राउतले स्वागत मन्तव्य राख्दै अन्तर्कृया कार्यक्रम को विषय वस्तु माथी प्रकाश पार्नु भएको थियो ।
कार्यक्रममा बोल्दै वहाले अब चाडै वीरगन्जका होटल हरुको वर्गीकरण तथा स्तरिकरण गरिने बताउनु भयो ।
कार्यक्रममा प्रमुख जिल्ला अधिकारी उमेश ढकाल , प्रहरी उपरीक्षक रमेश बस्नेत ,लर्ड्स दियालोका संचालक अनुज रुङ्ता , मोहन प्रधान र रन्जेश श्रेष्ठलगायेत ले आफ्न मन्तब्य प्रकट गरेका थिए।
यस अगि सोही सभाहलमा होटल तथा पर्यटन ब्यबसायी संघ वीरगन्जले पर्सा प्रमुख जिल्ला अधिकारि उमेश ढकाल र पर्सा प्रहरी प्रमुख प्रहरी उपरीक्षक रमेश बस्नेत लाई स्वागत गर्दै सम्पन्न परिचयात्मक कार्यक्रममा वीरगन्जका होटेल तथा पर्यटन व्यवसायीहरुले समसमाहिक बिषयमा गहन छलफल भएको थियो।
