वीरगंज | नेपाली कांग्रेसको पहिलो केन्द्रीय कार्यसमितिको बैठकले संविधान र राजनीतिक दलसम्बन्धी ऐनअनुसार आयोगमा दर्ता अद्यावधिक गर्ने निर्णय गरेको छ।आजको बैठकले विभिन्न चार निर्णय गरेको महामन्त्री गगन थापाले जानकारी दिए। पार्टीको १४ औं महाधिवेशनपछि आज बसेको कांग्रेसको पहिलो केन्द्रीय कार्यसमितिको बैठकले राष्ट्रियसभा सदस्य निर्वाचन प्रयोजनका लागि मुख्य सचिव कृष्णप्रसाद पौडेलको संयोजकत्वमा निर्वाचन आयोगमा दल दर्ता गर्ने निर्णय गरेको महामन्त्री थापाले बताए।

महामन्त्री थापाले पार्टीका संस्थापक नेताहरू र सहिदलाई सम्मान गर्दै १४ औं महाधिवेशनको उत्साह एकता र रूपान्तरको नारा अनुरूप पार्टीमा सुदृढ एकता कायम गरेर अगाढि बढाउने संकल्प गरेको पनि जानकारी दिए। महाधिवेशन सम्पन्न गराउन भूमिका खेल्ने सबैलाई धन्यवाद दिने निर्णय पनि बैठकले गरेको छ।

महामन्त्री थापाले राष्ट्रियसभा सदस्यको निर्वाचनमा पार्टीका उम्मेदवारका लागि सभापति शेरबहादुर देउवाको हस्ताक्षर प्रयोग गर्ने निर्णय बैठकले गरेको जानकारी दिए।